Bank Respublika sahibkarlara “Yaşıl Kredit” təklif edir
Bank məhsulları
19 February 2025
Bank Respublika-dan “Yaşıl Kredit” götürənlər 15%-dək keşbek qazanacaq!
Ölkəmizdə real sektorun inkişafına daim dəstək olan Bank Respublika innovativ yanaşmalarını davam etdirərək ilk dəfə olaraq sahibkarlar üçün “Yaşıl Kredit” məhsulunu təqdim edir. Kreditin maksimal müddəti – 5 il, maksimal məbləği – 3 milyon avro ekvivalentinə qədərdir (kreditlər manatla verilir). “Yaşıl Kredit” sahibkarlara bir çox unikal üstünlüklər təklif edir:
- 15%-dək keşbek: Avropa İttifaqının dəstəyi ilə kreditin əsas məbləğinin bir hissəsi geri qaytarılır. Bu, həm sahibkarlar üçün maliyyə yükünü azaldır, həm də investisiyanı daha sərfəli edir;
- Sadə və sürətli prosedur: Minimum sənəd tələbləri və sürətli icra ilə kreditlər qısa zamanda təsdiqlənir;
- Enerji səmərəliliyi: Yeni texnologiyalar və avadanlıqlar sayəsində əməliyyat xərcləri əhəmiyyətli dərəcədə azalır;
- Ekoloji fayda: Daha təmiz texnologiyalara keçid ətraf mühitin mühafizəsinə töhfə verir.
“Yaşıl Kredit”dən faydalanmaq istəyən sahibkarlar üçün tələblər:
- Kənd təsərrüfatı: Heyvandarlıq, quşçuluq, bağçılıq, əkinçilik kimi ənənəvi sahələrdə müasir texnologiyaların tətbiqi;
- Qida istehsalı: Meyvə və tərəvəzin emalı və saxlanması, süd məhsulları, çay, qəhvə, pivə, şərab və çörək istehsalına yönəlmiş layihələr;
- Sənaye sektorları: Pambıq, parça, kauçuk, plastik, şüşə, mebel və digər sənaye məhsullarının istehsalı.
