Kredit təşkilatının rəhbərliyi və bir neçə vəzifəli şəxsi dəyişib
Bank xəbərləri
29 June 2022
“Fintrend Bank Olmayan Kredit Təşkilatı” MMC-nin rəhbərliyində bir sıra dəyişiklər baş tutub.
Bu barədə Banker.az-ın əldə etdiyi məlumatda qeyd edilir.
Məlumata görə, “Fintrend BOKT”un direktoru Rüfət Cəfərov Rahib oğlu vəzifəsindən ayrılıb, onu bu vəzifədə Sevinc Qəmbərova Azər qızı əvəzləyib.
R.Cəfərov bu vəzifəyə 2022-ci ilin martında təyin edilmişdi.
Daxili Audit Xidmətinin rəhbəri Tural Hacıyev Tofiq oğlu vəzifəsindən ayrılıb, onu bu vəzifədə Əhməd Musayev Adil oğlu əvəzləyib.
BOKT-un baş mühasibi olan Allahverdiyeva Nərgiz Zöhrab qızı isə vəzifəsindən ayrılıb, onu hələki kimsə əvəz etmir.
“FinTrend BOKT”un 400 min manat nizamnamə kapitalı var. BOKT-un səhmdarları Erkin Əsədov, Nərmin Hüseynzadə və Kənan Salayev adlı şəxslərdir.
